Gjiganti anglez refuzon të paguajë 50 milionë funte për talentin e Valencias

Liverpooli raportohet se nuk e ka ndërmend të paguajë 50 milionë funte për anësorin e Valencias, David Otorbi, duke e bërë të pasigurt transferimin e tij të mundshëm në afatin kalimtar të janarit.

Sipas “Football Insider”, klubi anglez nuk do të aktivizojë klauzolën e lirimit të 19-vjeçarit nëse ajo rritet në 50 milionë funte.

Fillimisht, Liverpooli raportohej se synonte të paguante 25 milionë funte për ta transferuar talentin spanjoll, por situata ndryshoi pas pretendimeve se Valencia e kishte dyfishuar vlerën e klauzolës, duke e çuar atë në 50 milionë funte.

Otorbi luan kryesisht në krahun e djathtë të sulmit dhe këtë sezon ka qenë pjesë e skuadrës së Valencias në nëntë nga dhjetë ndeshjet e zhvilluara në La Liga, ndonëse në shumicën e rasteve është aktivizuar nga stoli.

Sipas “Tribuna Deportiva”, Liverpooli kishte shprehur gatishmërinë për të aktivizuar klauzolën fillestare prej 30 milionë eurosh. Megjithatë, raportimet për ndryshimin e vlerës së saj kanë krijuar paqartësi rreth mundësisë së realizimit të marrëveshjes.

Gazetari Pete O’Rourke nga “Football Insider” ka raportuar se Liverpooli nuk do të bëjë lëvizje për Otorbin në janar nëse Valencia kërkon 50 milionë funte.

Sipas tij, drejtuesit e klubit anglez nuk janë të gatshëm të shpenzojnë një shumë kaq të lartë për një futbollist të ri në mesin e sezonit.

Edhe gazetari David Lynch ka shprehur dyshime rreth raportimeve që vijnë nga Spanja, duke theksuar se nuk pret që Liverpooli të ndërmarrë një veprim të nxituar për një lojtar që nuk ka pasur shumë minuta në dispozicion te Valencia.

Ndërkohë, Liverpooli ka disa alternativa në krahët e sulmit, përfshirë Bradley Barcolan, Victor Muñozin, Cody Gakpon, Rio Ngumohan dhe Federico Chiesan.
Kjo situatë e bën më pak të mundshëm transferimin e Otorbit në janar, përveç nëse ndryshojnë kushtet financiare të marrëveshjes.