Në fshatin POLLUZHË u themelua PIKA e Lëvizjes VETËVENDOSJE!
![](https://rahoveci.info/wp-content/uploads/2024/05/FB_IMG_1716700138808.jpg)
Lëvizja Vetëvendosje-Rahovec në një organizim të aktivistëve dhe anëtarëve të VV-së të fshatit Polluzhë themeloi strukturën e tërë të PIKËS në këtë fshat. Kryetari i Pikës u zgjodh z. Besart J. Morina, një prej aktivistëve dhe kuadrove të çmuara që ka Qendra e Lëvizjes në Rahovec.
![](https://rahoveci.info/wp-content/uploads/2024/05/FB_IMG_1716700158549-1024x768.jpg)
Mirëpritja dhe atmosfera e shkelqyeshme e anëtarëve të rinj dhe atyre që ndër vite kontribuan në ngritjen e Lëvizjes në këtë fshat të Rahovecit, sot të gjithë u bashkuan për të vazhduar akoma më fuqishëm në aktivitete e detyra që i presin.
![](https://rahoveci.info/wp-content/uploads/2024/05/FB_IMG_1716700152816-936x1024.jpg)
Koordinatori i Qendrës, prof.dr. Ali Dula, i falenderoi përzemërsisht të gjithë të pranishmit polluzhjanë për gatishmërinë dhe mbështetjen e pakursyer të aktivistëve të Polluzhës. “Polluzha edhe në të kaluarën ka qenë prej lokaliteteve të para të komunës sonë që i ka hap dyert Lëvizjes VETËVENDOSJE!. Ndërsa kryetarit, Besartit, i uroj suksese në detyrën dhe përgjegjësinë që e ka tani e tutje për forcimin e mëtejmë të organizatës sonë. Besarti është një ndër ekonomistët më të formuar dhe ndjehemi shumë me fat që është pjesë e çmuar e Qendrës sonë” tha prof. Dula.