Kurti takon Bersetin, diskutojnë për anëtarësimin e Kosovës në Këshillin e Evropës

Kryeministri Albin Kurti ka diskutuar me sekretarin e përgjithshëm të Këshillit të Evropës, Alain Berset, për anëtarësimin e Kosovës në këtë organizatë.

Takimi u zhvillua në kuadër të Samitit të Komunitetit Politik Evropian (EPC).

Përmes një postimi, Kurti theksoi rëndësinë e anëtarësimit, duke thënë se kjo do t’u mundësonte qytetarëve të Kosovës qasje në mekanizmat evropianë për mbrojtjen e të drejtave dhe lirive themelore, përfshirë Gjykatën Evropiane për të Drejtat e Njeriut.