Leverkusen bën mrekullinë, fiton për herë të parë titullin në Bundesligë, tifozët “pushtojnë” fushën/ PAMJET

Merr fund pritja 120 vjeçare. Leverkusen ka fituar titullin e parë në historinë e klubit, në Bundesligë. Ekipi i drejtuar nga Xabi Alonso “kurorëzon” në mënyrën më të mirë të mundshme sezonin futbollistik, duke thyer kështu hegjemoninë e Bayern.

Të bindur se sot do ishte dita e festës, tifozët kishin mbushur rrugët, duke krijuar kështu një atmosferë të zjarrtë.

Vërshëllima e fundit e arbitrit i zbriti ata nga shkallët dhe “pushtuan” fushën e blertë.

Atmosferë e jashtëzakonshme, një qytet i tërë për herë të parë kremton trofeun e Bundesligës pas 120 vitesh pritje.

“Aspirinat” triumfuan 5-0 ndaj Werder Bremen në BayArena, nën prezencën e mbi 30 mijë mbështetësve. Boniface vendosi pjesën e parë, me një gol nga pika e bardhë e penalltisë.

Në fillimin e pjesës së dytë, nuk mund të mungonte Granit Xhaka, një “perlë” e mesfushorit me origjinë shqiptare. Më pas, Wirtz thelloi shifrat (Tripletë).

Kështu, Leverkusen, siguron titullin disa javë përpara fundit të kampionatit, duke bërë që ndeshjet e radhës t’i luajë vetëm për formalitet. Në 29 takime, Xhaka me shokë nuk kanë provuar asnjëherë shijen e humbjes, ndërsa numëron 25 fitore dhe katërt barazime.

Lajmet Leverkusen bën mrekullinë, fiton për herë të parë titullin në Bundesligë, tifozët “pushtojnë” fushën/ PAMJET >> Rahoveci INFO.