Erërat e forta shkaktojnë dëme në Skenderaj (Foto)
Komuna e Skenderajt ka njoftuar se erërat e forta me shi të rrëmbyeshëm gjatë ditës së sotme kanë shkaktuar dëme materiale në objektin banesor afër Qendrës Kryesore të Mjekësisë Familjare.
Përveç fasadës së jashtme në një pjesë të objektit, e cila ka rënë në tokë duke dëmtuar veturat afër ndërtesës, fatmirësisht ka kaluar pa pasoja tjera.
Ekipet e Drejtorisë së Shërbimeve Publike bashkë me zyrtarët policorë, kanë dalë menjëherë në vendin e ngjarjes, duke shirituar zonën e rrezikut dhe janë në gjendje gatishmërie për çdo situatë.
Komuna e Skenderajt shumë shpejt do të ndërmarrë të gjitha veprimet për të sanuar dëmet e shkaktuara.
Lajmet Erërat e forta shkaktojnë dëme në Skenderaj (Foto) >> Rahoveci INFO.
