“Telefonatë e tërbuar me drejtorin e RAI-t”/ Gazeta italiane “La Repubblica” korrigjon lajmin për Ramën

Një lajm i publikuar në median italiane ‘La Repubblica’ gjatë paradites së sotme, sipas të cilit kryeministri Edi Rama pati një telefonatë ‘të tërbuar’ me drejtorin e RAI 3 lidhur me emisionin “Report”, rezultoi të ishte i pavërtetë.

I pari që hodhi poshtë lajmin ishte kryeministri Edi Rama i cili deklaroi se nuk ka pasur telefonatë të tërbuar me drejtorin e RAI, por thjesht “një kërkesë për telefonatë lidhur me shpifjen skandaloze të emisionit Report”.

Menjëherë pas tij, duket se ka reflektuar edhe vetë media italine e cila ka korrigjuar tekstin e lajmit duke fshirë tekstin e “telefonatës së tërbuar” që nuk ndodhi kurrë.

‘La Repubblica’ konfirmon në artikullin e korrigjuar deklaratën e mëparshme të Ramës se nga ana e tij pati vetëm një kërkesë për t’u dëgjuar.

Konkretisht, në versionin e ri të shkrimit, ‘La Reppublica’ shkruan se drejtori i RAI, “mori edhe një mesazh nga kryeministri shqiptar Edi Rama me kërkesën për t’u dëgjuar në lidhje me episodin e Raportit për marrëveshjen Itali-Shqipëri për çështjen e emigrantëve”.

Lajmet “Telefonatë e tërbuar me drejtorin e RAI-t”/ Gazeta italiane “La Repubblica” korrigjon lajmin për Ramën >> Rahoveci INFO.