Zulfaj: Është koha që Kosova të marrë statusin e vendit kandidat në BE

Kryenegociatori i Kosovës për BE, Jeton Zulfaj, ka deklaruar se Kosova meriton të marrë statusin e vendit kandidat dhe të nisë negociatat për anëtarësim në Bashkimin Evropian, duke theksuar se vendi ka përmbushur reforma dhe është i harmonizuar me politikat e BE-së.

Kryenegociatori i Kosovës me Bashkimin Evropian, Jeton Zulfaj, ka deklaruar se ka ardhur koha që Kosova të marrë statusin e vendit kandidat dhe të hapë negociatat për anëtarësim në BE.

Ai ka theksuar se Kosova mbetet i vetmi vend pa status kandidati dhe pa nisjen e negociatave për anëtarësim në Bashkimin Evropian.

“Presim me padurim ta diskutojmë këtë në sesionin e zgjerimit. Ne kemi realizuar reforma, kemi përqafuar vlerat evropiane dhe kemi treguar rezultate në demokraci e ekonomi. Po ashtu, jemi plotësisht të harmonizuar me Politikën e Përbashkët të Jashtme dhe të Sigurisë. Besojmë se ka ardhur koha që Kosova të marrë statusin e kandidatit dhe të hapë negociatat për anëtarësim”, ka deklaruar Zulfaj.

Ai po merr pjesë në Takimin Joformal të Ministrave për Çështje Evropiane, që po zhvillohet në Nikosia, Qipro.

The post Zulfaj: Është koha që Kosova të marrë statusin e vendit kandidat në BE appeared first on KosovaNews.