Gërvalla në Strasbourg: Po presim me padurim të ecim drejt anëtarësimit të plotë në KiE

Në takimin me Sekretarin e Përgjithshëm të Këshillit të Europës, Alain Berset, ministrja e Jashtme, Donika Gërvalla ka thënë se Kosova ka plotësuar të gjitha kushtet për anëtarësim dhe se “presim me padurim” për anëtarësim të plotë në organizatën e të drejtave të njeriut.

“Në Këshillin e Evropës, në takim me Sekretarin e Përgjithshëm të Këshillit të Evropës, z. Alain Berset theksova se Republika e Kosovës ka plotësuar të gjitha kushtet për anëtarësim dhe presim  me padurim të ecim përpara drejt anëtarësimit të plotë dhe qytetarët tanë të përfitojnë nga mekanizmat mbrojtës të Këshillit të Evropës”, ka thënë Gërvalla.

Gërvalla ka thënë se Kosova është e gatshme edhe të përfitojë nga KiE, por edhe të kontribuojë në forcimin e vlerave të demokracisë.