Tri vjet nga vdekja e Cimës, Adelina e përkujton me mall
Janë bërë tri vite që kur u nda nga jeta legjenda e humorit shqiptar, Rasim Thaçi, i njohur si Cima.
Kujtojmë se, artisti i njohur ndërroi jetë më 26 mars të vitit 2021, derisa ishte i shtruar në spital për shkak të COVID-19.
Në përvjetorin e tretë të vdekjes, vajza e tij, këngëtarja Adelina Thaçi e ka përkjtuar babain me mall.
“Sot 3 vite më parë u shua një legjendë e gjallë e artit më të dashur në shqiptari , dhe u shkëput një tjetër copë e bukur e fëmijërisë sonë, atëherë kur arti kombëtar ishte vetë bota në Kosovën e burgosur brenda mureve të Jugosllavizmit. Cima jonë përjetësisht me ne 
13.07.1949 – 26.03.2021”, ka shkruar Thaçi në “Instagram”.
