Pas SHBA-së, edhe Britania në “mbrojtje” të SPAK/ King-Smith: Përpjekje jetike për t’i dhënë fund pandëshkueshmërisë

Pas Shteteve të Bashkuara të Amerikës, një tjetër mesazh i fortë për sulmin ndaj kreut të Prokurorisë së Posaccme Altin Dumani vjen nga Ambasadori britanik, Alastair King-Smith.

Reagimet vijnë pas akuzave dhe deklaratave të kreut të PL, Ilir Meta në adresë të drejtuesit të SPAK, Altin Dumani.

Mesazhi i Ambasadës Britanike

Ambasadori britanik, Alastair King-Smith përsëriti mbështetjen e fortë të Mbretërisë së Bashkuar për Prokurorinë e Posaçme të Shqipërisë, SPAK dhe përpjekjet saj jetike për përmirësimin e llogaridhënies dhe për t’i dhënë fund pandëshkueshmërisë në interes të të gjithë qytetarëve shqiptarë.

Ambasadori konfirmoi në takimin e përbashkët të donatorëve të SPAK, javën e kaluar, angazhimin e Mbretërisë së Bashkuar për të ofruar asistencë shtesë dhe ngritjen e kapaciteteve për punën e SPAK, në përputhje me Memorandumin e Mirëkuptimit të nënshkruar nga kryeprokurori i posaçëm, Altin Dumani dhe Agjencia Kombëtare kundër Krimit (NCA), si dhe hetimet e përbashkëta me agjencitë e tjera ligjzbatuese të Mbretërisë së Bashkuar.

Lajmet Pas SHBA-së, edhe Britania në “mbrojtje” të SPAK/ King-Smith: Përpjekje jetike për t’i dhënë fund pandëshkueshmërisë >> Rahoveci INFO.