Kuvendi shënon 36-vjetorin e Deklaratës Kushtetuese të 2 Korrikut

Me rastin e 36-vjetorit të Deklaratës Kushtetuese të 2 Korrikut 1990, Kuvendi i Republikës së Kosovës, në bashkëpunim me Zyrën e Kryeministrit, organizon një diskutim me disa nga delegatët e Kuvendit të atëhershëm.

Ky aktivitet organizohet në nderim të një prej ngjarjeve më të rëndësishme në historinë politike të Kosovës, ku do të rikujtohet rëndësia e Deklaratës Kushtetuese të 2 Korrikut dhe kontributi i delegatëve që morën pjesë në miratimin e saj.