Akuzoi Serbinë, ministria që udhëhiqet nga Gërvalla i shqipton vërejtje diplomatit

Sekretarit të Zyrës Ndërlidhëse të Kosovës në Beograd, Fatmir Haxhollit, i është dhënë vërejtje nga Ministria e Punëve të Jashtme dhe Diasporës, që udhëhiqet nga Donika Gërvalla, i është dhënë vërejtje për deklarimet e tij në lidhje me veprimet e fundit të Serbisë, përfshirë edhe arrestimet.

Për këtë vërejtje, Haxholli ka njoftuar në rrjetet e tija sociale.

Ai ka sqaruar se kjo është vërejtja e parë që ka marrë prej se është pjesë e kësaj ministrie.
Reagimi u plotë:

Miq,

Për reagimet dhe deklarimet e mia të vazhdueshme në mbrojtje të interesit publik, qytetarë dhe para së gjithash në mbrojtje të interesit shtetëror, unë sapo mora një Vërejtje me shkrim nga MPJD. Njëherësh për dallim prej pafund rekomadimeve, referencave, e vlerësimeve, në MPJD dhe jashtë saj, kjo është Vërejtja e parë në përvojen time profesionale, institucionale. Uroj që kjo të jetë edhe e fundit.

Më duhet ta them që nuk kam pritur që duke qenë i zëshëm kundër veprimeve të Serbisë, do të vlerësohem apo avancohem në ndonjë mënyrë, dhe as që ka qenë qëllim i imi diçka e tillë, por më duhet ta them dhe ri-përserisë, që edhe sikur masa korigjuese ndaj meje të ishte vet suspendimi dhe largimi nga MPJD, në asnjë rast, nuk ushqej asnjë dilemë, që në të gjitha komunikimet e mia pararake, unë të veproja njësoj, përsëri.

Për fund, përderisa në Serbi bëhet garë se kush pronocohet më shumë dhe më ashpër kundër Republikës së Kosovës, pa asnjë argument dhe pa asnjë të drejtë, me mirëkuptim do t’i kërkoja hirearkisë së MPJD-së, porositësit dhe shqiptuesit,
se ku, kur dhe në cilin aspekt, deklarimet e mia kanë shkuar ndesh me mandatin e Zyrës dhe me prioritetet e MPJD-së.

Në mungesë të një arsyetimi eventual përmbajtësor, unë Vërejtjen ndaj meje me dokumente/dëshmi shoqëruese sikurse jane postimet e mia bashklidhur asaj, do t’i mbaj si si Referencë dhe Rekomandim, e kësisoj nuk do t’i ankimoj juridikisht.

Ju falenderoj që së paku përmes Vërejtjes njohët punën time, sepse në një kulturë ndëshkuese dhe përjashtuese, do të befasohesha vetëm nga një mirënjohje a vlerësim!

Sqarim:
Për vërejtjen si infornatë zyrtare që nuk prek dimensionin e poliikës së jashtme, por vetëm personin tim, besoj që ja vlen që dikush t’i gëzohet idesë, që heshtja në diplomaci ka ndonjë vlerë!

Lajmet Akuzoi Serbinë, ministria që udhëhiqet nga Gërvalla i shqipton vërejtje diplomatit >> Rahoveci INFO.