Sulmi i Iranit ndaj Izraelit, Kurti: U bashkohemi qeverive tjera në dënimin e këtij agresioni

Kryeministri iKosovës, Albin Kurti ka dënuar sulmin e Iranit ndaj Izraelit, duke shtuar se mbështesin të drejtën e Izraelit për të mbrojtur veten, shkruan Reporteri.net.

“Ne jemi thellësisht të shqetësuar për sulmin e sotëm me raketa nga Irani ndaj Izraelit, në të cilin u lëshuan rreth 200 raketa, dhe bashkohemi me qeveritë e tjera në dënimin e këtij agresioni. Një vit pas sulmeve terroriste të Hamasit të 7 tetorit, rritja e vazhdueshme e dhunës është alarmante. Ne mbështesim të drejtën e Izraelit për të mbrojtur veten dhe të gjitha përpjekjet për të arritur një armëpushim të menjëhershëm”, ka shkruar Kurti.