Vrasja mizore e gruas në vendin e punës në Ferizaj / Kurti: Drejtësia të veprojë pa vonesa
![vrasja-mizore-e-gruas-ne-vendin-e-punes-ne-ferizaj-/-kurti:-drejtesia-te-veproje-pa-vonesa](https://rahoveci.info/wp-content/uploads/2024/04/107856-vrasja-mizore-e-gruas-ne-vendin-e-punes-ne-ferizaj-kurti-drejtesia-te-veproje-pa-vonesa.jpg)
Kryeministri i Kosovës, Albin Kurti, ka reaguar për ngjarjen e rëndë që ndodhi sot në Ferizaj ku mbeti e vrarë një grua në Qendrën për Punë Sociale. Ajo dyshohet se u vra nga ish-burri i saj, ndërsa u plagos edhe vëllai i saj i mitur.
Kurti tha se nuk ka pse t’i dijë detajet dhe se e dënon një krim që po përsëritet. Ai ka kërkuar që drejtësia të veprojë pa vonesa.
“Nuk kemi pse presim që t’i dimë detajet: e dënojmë ashpër këtë krim që po përsëritet. Edhe një grua e vrarë mizorisht nga tyta e armës që ekzekuton nga afërsia. Një grua e Kosovës e vrarë nga një vrasës burrë. Zemërimi dhe neveria bëjnë garë përbrenda secilit qytetar të Kosovës sot. Qytetarja e shtetit tonë të pavarur në Qendrën për Punë Sociale në Ferizaj u qëllua për vdekje. Ngushëllime familjes, të afërmve dhe miqve të saj. Drejtësia të veprojë pa vonesa duke e pranuar që efekti i deritanishëm i ka ngelur i mangët e përgjegjësia i mbetet përherë e lartë”, tha ai.
Lajmet Vrasja mizore e gruas në vendin e punës në Ferizaj / Kurti: Drejtësia të veprojë pa vonesa >> Rahoveci INFO.