Osmani thotë se regjimi gjenocidal i Serbisë dëshmoi barbarinë e tij
![osmani-thote-se-regjimi-gjenocidal-i-serbise-deshmoi-barbarine-e-tij](https://rahoveci.info/wp-content/uploads/2024/04/107126-osmani-thote-se-regjimi-gjenocidal-i-serbise-deshmoi-barbarine-e-tij.jpg)
Presidentja e Kosovës, Vjosa Osmani, përkujtoi masakrën e Lybeniqit, ku forcat serbe, 25 vjet më parë, vranë 79 civilë të këtij fshati.
Osmani, ka thënë se tendenca e regjimit gjenocidal të Serbisë për shfarosje të popullit shqiptar nuk kurseu as fëmijët.
E para e shtetit thotë se është obligim i yni institucional që asnjëherë të mos i ndalim përpjekjet tona për vendosjen e drejtësisë për viktimat, duke i dhënë kuptim lirisë sonë dhe duke e mbrojtur të vërtetën.
![](https://Rahoveci INFO/app/uploads/2024/04/434053093_445215091500485_4508295327823742483_n.jpg)
“25- vjet më parë, regjimi gjenocidal i Serbisë, sikurse në shumë anë të Kosovës, dëshmoi barbarinë e tij, duke vrarë 79 civilë të fshatit Lybeniq. Tendenca për shfarosje të popullit shqiptar nuk kurseu as Muhametin 18 muajsh dhe Leonardin, 7 vjeçar. Është obligim i yni institucional që asnjëherë të mos i ndalim përpjekjet tona për vendosjen e drejtësisë për viktimat, duke i dhënë kuptim lirisë sonë dhe duke e mbrojtur të vërtetën. Qoftë i perhershëm kujtimi për të gjithë të rënët për liri!”, thuhet në njoftimin e Presidencës, të postuar në Facebook.
Lajmet Osmani thotë se regjimi gjenocidal i Serbisë dëshmoi barbarinë e tij >> Rahoveci INFO.