MASHTI i kthen përgjigje KQZ-së për hapjen e vendvotimeve më 21 prill në Veri
![mashti-i-kthen-pergjigje-kqz-se-per-hapjen-e-vendvotimeve-me-21-prill-ne-veri](https://rahoveci.info/wp-content/uploads/2024/04/107866-mashti-i-kthen-pergjigje-kqz-se-per-hapjen-e-vendvotimeve-me-21-prill-ne-veri.png)
KQZ-ja i është drejtuar me një kërkesë Ministrisë së Arsimit për sigurimin e qasjen dhe funksionalitetit të Qendrave të Votimit për votimin e 21 prillit në katër komunat veriore.
Lidhur me këtë, MASHTI i ka kthyer përgjigje KQZ-së.
Në përgjigjen që e ka parë Gazeta Express thuhet se “në bazë të nenit 7 të Ligjit të Arsimit Parauniversitar dhe nenit 5 të Ligjit të Arsimit në komunat e Republikës së Kosovës, shkollat janë kompetencë e komunave, përkatësisht komunat kanë kompetencë ekskluzive për shkollat në territorin e tyre”.
Kështu, KQZ tash kërkesën duhet t’ia drejtojë kryetarëve të komunave në Mitrovicë të Veriut, Leposaviq, Zubin Potok dhe Zveçan.
Më 21 prill, qytetarët e veriut pritet t’i drejtohen kutive të votimit për të votuar pro ose kundër shkarkimit të kryetarëve aktualë.
Lajmet MASHTI i kthen përgjigje KQZ-së për hapjen e vendvotimeve më 21 prill në Veri >> Rahoveci INFO.