Kurti flet për çështjen e dinarit, Putinin, burgun dhe Serbinë
Kryeministri i Kosovës, Albin Kurti, ka qenë i ftuar në një podcast “The Rest is Politics” me Rory Stewart dhe Alastair Campbell.
Stewart një ish – diplomat në rajon që thotë se e ka takuar Kurtin para 20 vitesh, ndërsa Campbell, ish – këshilltar dhe strateg i komunikimit të Tony Blair, gjatë kohës sa ky i fundit ka qenë kryeministër.
Campbell më vonë bashkë me ish-shefin e tij kanë ardhur në rajonin e Ballkanit si konsulentë të Edi Ramës e Aleksandar Vuçiqit, ndërkohë që këtë e kanë bërë edhe për qeveri tjera në botë.
Gjatë bisedës me ta, Kurti është pyetur edhe raportet me aleatët e Kosovës dhe sidomos për çështjen e dinarit dhe kritikat që ka marrë.
“Para së gjithash unë nuk e kam problem kritikën. Intelektualisht unë jam fëmijë i teorisë kritike nga, le të themi Zhan Zhak Ruso’ja te Shkolla e Frankfurtit. Pra, kritika është e shëndetshme, besoj se nuk ka progres pa kritikë. Mund të mos pajtohemi por BE , SHBA dhe Mbretëria e Bashkuar janë aleatët tanë, miqtë tanë dhe partnerët tanë, por kjo nuk nënkupton se bashkëpunimi ynë është rrugë njëkahëshe kështu që duhet ta dëgjojmë njëri tjetrin”, ka thënë Kryeministri.
“Dhe në këtë kuptim unë mendoj se duhet ta mbrojë Kosovën, duhet ta përfaqësojë atë me mirë se aleatët tanë. Nuk do të isha kryeministër, po të mos ishte Kosova Republikë…” ka thënë Kryeministri.
Kurti aty ka rrëfyer për kohën e kaluar në burg në Serbi pasi ishte arrestuar gjatë kohës së bombardimeve në Kosovë nga policia e Serbisë.
“Në burg ka kohë për lexim. Është vend tamam për të lexuar, pa telefona mobilë, pa pije dhe mendoj se kam pasur dobi prej kësaj. Në të njëjtën kohë, të jesh një person i klasës së mesme, urban… unë aty takoja njerëz që vinin nga fshatrat dhe kjo ka qenë e pazëvendësishme për aftësinë time për të organizuar njerëz kur kam dalë jashtë . Kur kam dalë nga burgu e krijova organizatën saktësisht sepse dija se si të flas dhe si të lidhem me njerëz nga fshati”
Kurti u ka shpjeguar intervistuesve britanikë se në burg kishte humbur rreth 30 kilogramë dhe se nga torturat aty e kishte humbur vetëdijen rreth 40 herë dhe se s’e kishte menduar kurrë se do të dilte i gjallë nga aty.
Kurti në këtë takim ka folur edhe për Putinin dhe Serbinë.
Lajmet Kurti flet për çështjen e dinarit, Putinin, burgun dhe Serbinë >> Rahoveci INFO.
