IKShPK-ja apelon qytetarët: Pastroni duart, higjiena e duarve mund të shpëtojë miliona jetë
5 maji shënon një nga ngjarjet e rëndësishme të kujdesit shëndetësor. Kjo datë njihet ndryshe edhe si Dita Botërore e Higjienës së Duarve.
Me këtë rast, Instituti Kombëtar i Shëndetësisë Publike bëri thirrje që t’i kushtohet rëndësi kësaj çështjeje.
“Infeksionet e lidhura me kujdesin shëndetësor janë të zakonshme, por të parandalueshme”, thuhet në një postim të IKSHPK-së në Facebook.
“Praktikimi i higjienës së duarve mund të ndryshojë lojën. Është në duart tona të garantojmë sigurinë e pacientit dhe të shpëtojmë jetë. Higjiena e duarve është e thjeshtë, por e fuqishme”, thotë IKSHPK.
Siç shkruan Instituti “shumë objekteve të kujdesit shëndetësor u mungojnë shërbimet elementare të higjienës së duarve”.
“Këtë #DitëBotëroretëHigjienëssëDuarve, le të angazhohemi të përshpejtojmë veprimet duke investuar në shërbimet e ujit, kanalizimeve dhe higjienës”, thuhet në postimin e IKSHPK-së.
Higjiena e duarve mund të shpëtojë miliona jetë kur zbatohet në kohën e duhur gjatë kujdesit shëndetësor, thotë IKSHPK.
“Ajo ruan dinjitetin në kujdesin shëndetësor, tregon respekt për pacientët dhe lehtëson punën e kujdestarëve. Megjithatë, në shumë vende mungon trajnimi zyrtar. Këtë #DitaBotëroretëHigjienëssëDuarve, le të zotohemi ta ndryshojmë këtë. Higjiena e duarve është thelbësore për të ndaluar përhapjen e mikrobeve në kujdesin shëndetësor dhe për të shpëtuar jetë të panumërta. Shpëtoni jetë – Pastroni duart tuaja!”, thuhet në postimin e IKSHPK-së.
Lajmet IKShPK-ja apelon qytetarët: Pastroni duart, higjiena e duarve mund të shpëtojë miliona jetë >> Rahoveci INFO.
