Dy ditë pasi humbi vulën e PD, ambasadori gjerman i shkon Bashës në zyrë

Ish-kryetari i PD, Lulzim Basha ka zhvilluar një takim me ambasadorin e Gjermanisë në Shqipëri, Karl Bergner.

Ambasada gjermane thotë se takimi ka qenë në kuadër të bisedimeve me liderët e politikës të qeverisë dhe opozitës.

Ambasadori Bergner ka theksuar rëndësinë e madhe të një opozite demokratike për zhvillimin e vendit.

“Për këtë qëllim, pjesëmarrja paqësore dhe konstruktive në proceset parlamentare është po aq e rëndësishme sa respektimi i të drejtave të pakicave dhe ndarja e pushteteve nga të gjitha palët. Forcimi i mëtejshëm i shtetit ligjor dhe lufta kundër korrupsionit, veçanërisht nëpërmjet Prokurorisë së Posaçme SPAK, janë thelbësore jo vetëm për anëtarësimin në BE, por edhe për një të ardhme më të mirë për të rinjtë e të rejat shqiptarë”, thuhet në njoftimin e ambasadës.

Njoftimi i ambasades

Ambasadori gjerman Karl Bergner takoi sot z. Lulzim Basha në kuadër të bisedimeve të tij me liderët politikë të qeverisë dhe opozitës.

Në fokus ishte shkëmbimi për zhvillimet e brendshme politike, vijimi i kursit të reformave të Shqipërisë në rrugën drejt BE-së dhe marrëdhëniet dypalëshe mes Gjermanisë dhe Shqipërisë.

Ambasadori Bergner theksoi rëndësinë e madhe të një opozite demokratike për zhvillimin e vendit. Për këtë qëllim, pjesëmarrja paqësore dhe konstruktive në proceset parlamentare është po aq e rëndësishme sa respektimi i të drejtave të pakicave dhe ndarja e pushteteve nga të gjitha palët. Forcimi i mëtejshëm i shtetit ligjor dhe lufta kundër korrupsionit, veçanërisht nëpërmjet Prokurorisë së Posaçme SPAK, janë thelbësore jo vetëm për anëtarësimin në BE, por edhe për një të ardhme më të mirë për të rinjtë e të rejat shqiptarë.

Lajmet Dy ditë pasi humbi vulën e PD, ambasadori gjerman i shkon Bashës në zyrë >> Rahoveci INFO.