Çeku: Në vitin 2030 i presim në Kosovë 5 mijë sportistë
Në kuadër të lojërave mesdhetare që do të mbahen në Prishtinë, “Prishtina 2030”, Kosova do të mirëpret 5 mijë sportistë në 25 disiplina sportive nga 26 shtete.
Ministri i Kulturës, Rinisë dhe Sportit, Hajrullah Çeku në ditën e dytë të Këshillit të Përgjithshëm të LVV-së, ka thënë se janë mbi 250 milionë euro investime të planifikuara në të gjithë vendin.
“Kemi siguruar të drejtën e organizmit të lojërave mesdhetare “Prishtina 2030”. Kjo është ngjarja më e madhe ndërkombëtare, multi-sportive në Kosovë. Janë 250 milionë investime të planifikuara në të gjithë vendin dhe në vitin 20230, i presim 5 mijë sportistë në 25 disiplina sportive nga 26 shtete. E kështu për krahasim, lojërat olimpike në Paris, sivjet kishin 10 mijë e 500 sportistë me 32 disiplina por po flasim për një lloj gjysmë olimpiade që do të organizohet në vendin tonë”, ka thënë Çeku.
