Zyrtare: UEFA zbulon ku do të luhet ndeshja Shqipëri-Serbi

UEFA ka zyrtarizuar stadiumin “Arena Kombëtare” në Tiranë për duelin shumë të pritur Shqipëri-Serbi, që do të zhvillohet më 7 qershor në orën 20:45, në kuadër të kualifikuesve për Botërorin 2026, në Grupin K.

UEFA me një njoftim zyrtar ka deklaruar se stadiumi “Air Albania” do të jetë nikoqiri i një prej sfidave më interesante të Grupit K për kualifikueset e Kampionatit Botëror.

Shqipëria do të përballet me Serbinë më 7 qershor nga ora 20:45, e cila pritet të luhet nën masa të rrepta sigurie.