Zbulohet data e prezantimit të listës së lojtarëve të Kombëtares, Daku ende në pritje të ftesës

Trajneri i Kombëtares së Shqipërisë, Silvinjo pritet të publikojë më 27 maj listën me lojtarët e përzgjedhur për Europianin e Gjermanisë.

Kjo pak ditë para se të nisë zyrtarisht edhe grumbullimi për kampin stërvitor që Kombëtarja do të zhvillojë në Austri.

Braziliani ka patur afro 40 emra në tavolinë nga të cilët do të përzgjedhë maksimumi 26, aq sa lejon UEFA për të grumbulluar në “Euro 2024”.

Një nga lojtarët kuq e zi që po shkëlqen në futboll është Mirlind Daku.

Ai deri më tani nuk ka marrë ftesë nga trajneri i kombëtares.

“Kemi edhe një ndeshje dhe do të përpiqem të ndryshoj statistikat e mia. Këtu ndihem si në shtëpinë time. Nuk kam marrë ende ftesë nga Shqipëria për në Evropian. Jam duke e pritur, vetëm pas kësaj do të mund të flasim për të ardhmen time”, u shpreh Daku për mediat në Rusi.

Rikujtojmë që Shqipëria është në grup me Italinë, Spanjën dhe Kroacinë.

Lajmet Zbulohet data e prezantimit të listës së lojtarëve të Kombëtares, Daku ende në pritje të ftesës >> Rahoveci INFO.