Xhakaliu: Kemi zbehje të marrëdhënieve Kosovë-SHBA

Ish-ambasadori i Kosovës në Gjermani, Skender Xhakaliu, vlerëson se zgjedhja e presidentit të SHBA-së Donald Trump mund të ketë ndikim të konsiderueshëm në procesin e Kosovës dhe të dialogut midis Kosovës dhe Serbisë. Sipas tij, njohuritë e Trumpit për rajonin do t’i shtyjë palët drejtë një marrëveshje konkrete të zhvillimit ekonomik dhe të zgjidhjes afatgjate të problemeve politike. Duke komentuar mos prezencën e krerëve të shtetit në inaugurimin e presidentit Trump, Ish-ambasadori Xhakaliu tha për RTV21 se Presidenca dhe Qeveria duhet që me urgjencë të jenë të fokusuara për të lobuar në Uashington për thëllimin e raporteve.

“Kosova duhet të forcojë lobimin e saj në Ushington dhe të shfrytëzoj cdo mundësi për të ndërtuar marrëdhëniet të drejtpërdrejta me administratën e presidentit Trumpt. Duhet një fokus më i madh në investimet Amerikane dhe një diplomaci aktive e cila mund të ndihmoj në sigurimin e një mbështetje të vazhdueshme nga SHBA-ja. Besoj se Kosova dhe Qeveria po ashtu edhe presidenca duhet në formën më urgjente të marrin kontakte dhe të jenë të fokusuara në lobimin e saj në Uashington sa më parë që është e mundur”, tha ai./RTV21/21Media