Vuçiq: S’e pranojmë pavarësinë e Kosovës

Presidenti i Serbisë, Aleksandar Vuçiq, ka thënë se Serbia nuk mund të pranoj anëtarësimin e Kosovës në OKB e as njohjen e pavarësisë së Kosovës.

“Serbia, në përputhje me politikën e saj, ka thënë qartë se dëshiron të zbatojë të gjitha marrëveshjet që janë nënshkruar, nga ajo bazë e vitit 2013 deri në ato të mëvonshme në Bruksel dhe Ohër, me një gjë që ne gjithmonë e kemi theksuar dhe atë Dihet që nga fillimi – se Serbia nuk mund ta pranojë anëtarësimin e Kosovës në Kombet e Bashkuara, as pavarësinë e Kosovës dhe në ato qëndrime kemi thënë se jemi të gatshëm të përmbushim gjithçka që është rënë dakord”, tha presidenti Vuçiq.

Vuçiq tha se “letra” që “pesëshja e madhe” solli në Beograd më 21 tetor është një bazë e mirë për të vazhduar punën në të ardhmen, por me shprehjen e rezervave për anëtarësimin e Kosovës në OKB dhe njohjen e pavarësisë dhe integritetit territorial të Kosovës.

“Ne jemi plotësisht të gatshëm për formimin e Bashkësisë së Komunave Serbe dhe në përputhje me propozimet që kemi marrë. Më duket se sot është e qartë për të gjithë, nuk bëhet fjalë për ndonjë nënshkrim, por për zbatimin e asaj që dikur ishte nënshkruar apo rënë dakord ndërkohë”, tha Vuçiq.

Ai shpjegoi se letra e datës 21 tetor i referohet ASK-së.

“Nuk mund të flas për detajet sepse nuk është rënë dakord që të mund të flas për detajet. Siç kemi rënë dakord edhe më herët për disa letra, nëse botohet në Postën Shqiptare, e keni të qartë se kush e ka publikuar. Ata duhet ta përmbushin fillimisht, ne tani jemi gati ta përmbushim paralelisht. Por as këtë nuk do ta bëjnë”, theksoi presidenti serb.

Lajmet Vuçiq: S’e pranojmë pavarësinë e Kosovës >> Rahoveci INFO.