VIDEO/ Qëndroi 2 mijë ditë në qeli, pamjet kur Julian Assange lirohet nga burgu – largohet me avion nga Britania

Julian Assange është liruar nga burgu. Në rrjet qarkullojnë pamjet në momentin që ai është në liri, pamje ku duket Assange që futet në një avion privat për t’u larguar nga Britania në drejtim të Australisë.

52-vjeçari Assange ka rënë dakord të pranojë fajësinë për vetëm një akuzë penale, atë të komplotit për të siguruar dhe publikuar dokumente sekrete të mbrojtjes amerikane, sipas dosjes së depozituar në gjykatë.

Në video, Assange udhëtonte në një makinë, por fytyra e tij nuk shfaqet pasi kamera fokusohet në rrugën përpara.

Ndërkohë në pjesën tjetër paraqitet 52-vjeçari i ulur teksa mban në duar një stilolaps dhe letër, me gjasë duke plotësuar një dokument.

Ai dëgjohet duke i bërë një pyetje një burri aty pranë, ndërsa një grua e ulur pranë Assange po shkruan gjithashtu diçka.

Lajmet VIDEO/ Qëndroi 2 mijë ditë në qeli, pamjet kur Julian Assange lirohet nga burgu – largohet me avion nga Britania >> Rahoveci INFO.