VIDEO/ Hysaj bën paqe me tifozët kuq e zi

Mbrojtësi i kombëtares Elseid Hysaj ka qenë në qendër të “furtunës” së sulmeve pas gabimit në ndeshjen përballë Italisë, në rastin e golit të Barellës. Pavarësisht nga vreri i shprehur në media dhe rrjete sociale nga futbolldashësit, Sylvinho i besoi atij sërish formacionin titullar ndaj Kroacisë.

Në fundin e takimit që përfundoi 2:2, Hysaj u pa të kapërcente barrierat e fushës së blertë dhe t’i drejtohej tribunës së tifozëve kuq e zi. Pavarësisht nga pasiguria e treguar edhe në ndeshjen ndaj Kroacisë, Hysaj mori duartrokitjet e tifozëve në shkallët e stadiumit të Hamburgut.

Lajmet VIDEO/ Hysaj bën paqe me tifozët kuq e zi >> Rahoveci INFO.