Tifozat Kuqezi protestojnë para FSHF-së, kundërshtojnë kandidaturën e përbashkët me Serbinë

Kandidatura e përbashkët e Federatës Shqiptare të Futbollit me Federatën e Futbollit të Serbisë për organizimin e Euro 2027 për U21, ka sjellë reagimin e madh të tifogrupit, Tifozat Kuqezi.

TKZ shkruan se do të kundërshtohet çdo nismë, e cila ka si synim rregullimi ne marrëdhënieve me një vend që gjithmonë ka luftuar kundër Shqipërisë.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, shkroi TKZ.

Mbështetësit e Kombëtares nuk kanë “qëndruar duarkryq” duke postuar vetëm në rrjetet sociale, pasi tashmë po protestohet edhe para selisë së FSHF-së.

Lajmet Tifozat Kuqezi protestojnë para FSHF-së, kundërshtojnë kandidaturën e përbashkët me Serbinë >> Rahoveci INFO.