Theret për vdekje një person në Prishtinë

Një person ka vdekur si pasojë e therjes me mjet të mprehtë në rrugën “Tirana” në Prishtinë.

Sipas Policisë, rasti ka ndodhur në orën 20:30 ku sipas informacioneve fillestare, sulmi ka ndodhur pas një mosmarrëveshjeje mes dy personave.

“Sipas informacioneve fillestare që kemi, bëhet fjalë për një mosmarrëveshje mes dy personave, ku dyshohet se njëri ka goditur personin tjetër me një mjet të mprehtë. Ekipi shëndetësor ka konstatuar se viktima nuk ka shenja jete”, ka konfirmuar Policia.