Të shtëna me armë zjarri gjatë momenteve pa energji elektrike në Vlorë

Të shtëna me armë zjarri janë regjistruar këtë të diel në Bulevardin Ismail Qemali në Vlorë.

Ngjarja ka ndodhur gjatë momenteve, ku disa qytete të Shqipërisë, përfshirë edhe Vlorën ishin në errësirë totale, pa energji elektrike.

Dyshohet se disa të rinj janë konfliktuar fizikisht me njëri – tjetrin.

“Në orën 18:36, në sallën operative të DVP Vlorë është marrë një njoftim se në lagjen “Lef Sallata” dyshohet se ka ndodhur një konflikt.

Policia ka shkuar menjëherë në vendin e raportuar, por deri tani nuk janë konstatuar persona të përfshirë në konflikt. Vijon puna për identifikimin e tyre dhe sqarimin e plotë të këtij rasti.

Sqarojmë se, në lidhje me një zhurmë të ngjashme me të shtënë me armë zjarri, po kryhen verifikimet përkatëse nga ana e shërbimeve të Policisë”, thuhet në njoftimin e policisë. /vizionplus.tv