Szunyog: Kuvendi dështoi në inkorporimin e rekomandimeve të BE-së

Pas miratimit të sotëm të ligjit të ri për Komisionin e Pavarur të Mediave ka reaguar Ambasadori i BE-së, Tomash Szunyog duke thënë se Kuvendi i Kosovës sot humbi mundësinë për të pasur dy ligje të mira, Ligjin e ndryshuar për Këshillin Prokurorial të Kosovës dhe Ligjin për Komisionin e Pavarur të Mediave, duke dështuar në inkorporimin e plotë të rekomandimeve të BE-së dhe organizatave të tjera ndërkombëtare.

“Në fund të fundit, ligjet e mira nuk kanë të bëjnë vetëm me rrugën e Kosovës drejt BE-së. Ato kanë të bëjnë me sigurimin e sundimit të ligjit, drejtësisë dhe mbrojtjes së qytetarëve. Na vjen keq që Kuvendi nuk arriti t’i trajtojë këto shqetësime kryesore dhe të përafrohet me standardet e BE-së dhe evropiane”, ka shkruar Szunyog në rrjetin X.

Lajmet Szunyog: Kuvendi dështoi në inkorporimin e rekomandimeve të BE-së >> Rahoveci INFO.