Super Topi i Artë, çmimi më i rrallë dhe prestigjioz që vetëm një lojtar e ka fituar në histori

Për vite me radhë Topi i Artë është parë si çmimi individual më prestigjioz që mund të fitojë një futbollist, por çka nëse para tij shtohet fjala “Super”?

Çmimi i parë i Topit të Artë u dorëzua në vitin 1956 dhe një mori lojtarësh më të mëdhenj në botë e kanë marrë në dorë atë.

Por vetëm njëri ka nderin dhe është fitues i ‘Super Topit të Artë’ dhe ai është legjenda e Real Madridit, Alfredo Di Stefano.

Di Stefano shënoi 308 gola për Realin dhe luajti një rol integral në pesë triumfe radhazi të Kupës Evropiane midis viteve 1956 dhe 1960.

Ai fitoi Topin e Artë dy herë, në 1957 dhe 1959, por tre vjet pas triumfit të tij të dytë, dhuruesi i këtij çmimi, France Football, i përkujtoi sërish arritjet e tij në një mënyrë unike.

Për të shënuar 30 vjetorin e revistës France Football, ata shpërndanë Super Topin e Artë – me vetëm lojtarë evropianë në garë për çmimin.

Di Stefano ka lindur në Argjentinë dhe ka luajtur atje deri në vitin 1949. Më pas ai përfaqësoi Kolumbinë dhe Spanjën, duke fituar nënshtetësinë që e kualifikoi për këtë trofe.

Legjendar Johan Cruyff dhe Michel Platini ishin mes të nominuarve, por çmimi shkoi për Di Stefano, 30 vjet pas fitimit të tij të dytë të Topit të Artë.

Trofeu duket shumë i ngjashëm me Topin e Artë, por ka shumë topa të vegjël ari që kanë ngjashmëri me çokollatën Ferrero Rocher.

Çmimi i veçantë u vendos në Muzeun e Real Madridit në Santiago Bernabeu për vite me radhë, por më pas doli në ankand në Londër në shtator 2021 si pjesë e një ngjarjeje së bashku me ngjarjet e tjera ikonike në kujtim të karrierës së tij.

Sipas ankandeve të Julien, trofeu u shit për 187,500 funte apo 214,295 euro. /Rahoveci INFO/

Lajmet Super Topi i Artë, çmimi më i rrallë dhe prestigjioz që vetëm një lojtar e ka fituar në histori >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!