Sabri Fejzullahu emocionon me urimin për Ermalin në ditëlindjen e tij

Sot, këngëtari i njohur Ermal Fejzullahu feston ditëlindjen e tij të 36-të dhe është një rast i veçantë për të ndarë momente të gëzueshme me miqtë, familjen dhe adhuruesit e tij. Në këtë ditë të veçantë, një urim i ngrohtë ka ardhur nga babai i tij, artisti Sabri Fejzullahu.

Në një postim në Instagram, Sabriu ka ndarë një foto të Ermalit, duke e përshkruar atë si një yll që ndriçon kur këndon.

“Si fëmijë ke qenë: Ermal o sherr i madh, tani je: Ermal o ylli jonë që bën dritë kur këndon. Urime bota e babit”, ka shkruar Sabriu, duke shoqëruar urimin me një kolazh prej dy fotove të Ermalit—një nga fëmijëria dhe një tjetër nga vitet e fundit.