Rindërtoi 23 banesa në Lezhë, Rama i shpreh mirënjohjen humanistit nga Kosova, Halil Kastrati

Kryeministri Edi Rama ka shprehur mirënjohjen për humanistin nga Kosova Halil Kastrati, i cili kontribuoi vullnetarisht për rindërtimin e 23 banesave në Qarkun e Lezhës, pas tërmetit shkatërrimtar të 26 nëntorit të 5 viteve më parë. Lëkundja sizmike 6.4 rihter shkaktoi 51 viktima dhe rrënoi mijëra banesa në Durrës, Krujë, Lezhë dhe Tiranë.

“FALEMINDERIT

Nderim për Halil Kastratin, me mirënjohje për kontributin e tij të posaçëm në ndërtimin e 23 banesave për familjet e prekura nga tërmeti në qytetin e Lezhës”, shkruan Rama në një postim në rrjetet sociale.

Halil Kastrati u angazhua për ndërtimin e banesave në mënyrë vullnetare, ndërsa 3 vjet më parë u nderua me titullin “Qytetar Nderi” edhe nga Bashkia e Lezhës.

Lajmet Rindërtoi 23 banesa në Lezhë, Rama i shpreh mirënjohjen humanistit nga Kosova, Halil Kastrati >> Rahoveci INFO.