Refuzonin ta paguanin për mbrojtjen që iu kishte bërë në gjyq, zbardhet shkaku i dhunës barbare ndaj avokatit Sokol Mëngjesi – Çfarë ndodhi tre ditë më parë…

Drejtori i Policisë së Tiranës, Tonin Vocaj dha detaje të reja lidhur me ngjarjen e rëndë që u regjistrua mëngjesin e kësaj të mërkure në zonën e ish-bllokut ku u dhunua barbarisht me sende të forta avokati Sokol Mëngjesi.

Gjatë një konference për shtyp, Vocaj tha se autorët e dyshuar janë shtetasit Romario Tabaku, Elton Kasaj, Drivald Alia dhe Dorian Alia.

Numri një i Policisë së kryeqytetit zbardhi edhe shkakun e dhunës ndaj avokatit.

Ai tha se avokati Sokol Mëngjesi dhe studioja e tij ligjore kishte mbrojtur familjarët dhe të afërmit e autorëve në një proces gjyqësor për çështje pronë të fituar, por kanë refuzuar të respektojnë detyrimet e kontratës.

Vocaj tha gjithashtu se tre ditë më parë avokati është takuar me përfaqësuesit e palës që ka mbrojtur në gjyq dhe ka kërkuar prej tyre likujdimin e detyrimeve financiare. Mes tyre ka patur debate të vazhdueshme, ndërsa mëngjesin e sotëm të afërm të familjarëve që kishte mbrojtur avokati Mëngjesi i dolën përpara pasi kishte dërguar djalin në kopësht dhe e dhunuan me sende të forta.

Ndërkohë, një nga autorët, Dorian Alia, 32 vjeç është vetëdorëzuar në Policinë e Tiranës.

Sipas rindërtimit të ngjarjes, 3 persona kanë kryer sulmin, një i ka pritur me makinë, ndërsa një i pestë është ndaluar si organizator i sulmit.

Vijojnë të jenë në kërkim Elton Kasaj, Dorian Alia dhe Romario Tabaku.

Ka qenë Romario Tabaku ai që ka larguar tre autorët nga vendi i ngjarjes me një makinë tip “Audi”.

Detajet e ngjarjes

Arrestohet organizatori i sulmit

Vetëdorëzohet – Dorian Alia

Në kërkim

Elton Kasaj

Romario Tabaku

Drivald Alia

Lajmet Refuzonin ta paguanin për mbrojtjen që iu kishte bërë në gjyq, zbardhet shkaku i dhunës barbare ndaj avokatit Sokol Mëngjesi – Çfarë ndodhi tre ditë më parë… >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>