Qëndrim Thaçi tregon para Edi Ramës: Si lindi ideja e prodhimit të supermakinës shqiptare që do të kushtojë 1.7 milionë €

Kryeministri i Shqipërisë Edi Rama në podcastin e radhës “Flasim” ka patur të ftuar sipërmarrësin shqiptar nga komuna e Drenasit, i cili jeton dhe vepron në Itali, Qëndrim Thaçi.

Ky i fundit, ka prezantuar ditë më parë superveturën e parë shqiptare “Illyrian Pure Sport” gjatë një ekspozite në Torino, TREDITECH.

Thaçi ka treguar se si ka lindur ideja për të ndërtuar një ndër veturat më të shpejta në botë.

Kur isha fëmijë dhe po lozja, godita topin dhe ai shkoi drejt një veture Ferrari, i cili sot ka vlerë prej 40 milionë eurove. Enzo Ferrari më qortoi duke më thënë ‘a e din se çfarë veture ke goditur’. Aty kanë lindur shkëndijat e para të dashurisë për veturat”, pohoi ai.

Ai tregoi se kishte mbajtur premtimin që të bëhet stomatolog siç kishte ëndërruar babai i tij, megjithatë Thaçi ëndërronte të ndërtonte veturën.

Kam shitur gjithë pasurinë, shtëpitë që kisha. Gjithçka për të prodhuar veturën”, zbuloi ai duke thënë se më pas ka studiuar dhe analizuar shumë vetura – nga inxhineringu deri tek homologimi – dhe kështu ka filluar të krijojë idenë e veturës së parë shqiptar.

Thaçi thotë se vetë e dizajnon çdo detaj të veturës dhe pastaj iu dërgon inxhinierëve për të evidentuar lëshimit që ka bërë pasi që nuk lejohet të bësh gabime me veturat me shpejtësi të lartë.

Ai pohoi se vetura “është krejtësisht prej karboni. Peshon 1250 kilogramë dhe ka maksimalisht 950 kuaj/fuqi. Shpejtësia arrin në 375 km/h. Ka një motor 3.0 litërsh Tëin Turbo me 950 kuaj/fuqi. Vetura prodhohet në Torino. Dëshira ime është që të bëhet në dy shtetet tona”.

Sipërmarrësi më tej shtoi se tashmë ka marrë porositë e para, “kjo veturë ka numrin e limituar”. “Do të prodhohen vetëm 27 copa ndërsa vlerën ia kam caktuar unë. Dhe nuk do të jetë e lirë. Kjo pasi që kem investuar në të. Pas këtyre 27 njësive, vetura do të pësojë disa ndryshime dhe do të del marka e re”.

Ai ka treguar se pse do t’i prodhojë vetëm 27 vetura të kësaj marke, “ka një rregull. Nëse dëshiron ta mbanë emrin lartë në treg, duhet të kesh një veturë super ekskluzive”.

Qëndrim Thaçi ka qenë i përfshirë në projekte shumë të mëdha sikurse për brendet Ferrari dhe Lamborghini.

Në vitin 2016 kishte themeluar kompaninë Arrera, e cila fillimisht ishte thjesht firmë jofitimprurëse, por që gjatë viteve e kishte bërë fitimprurëse.

Ai ka inicuar një ide për të hapur një shkollë në Kosovë për dizajn inxhinierik dhe për inxhinieri mekanike për të gjithë adhuruesit e makinave që duan ta ndjekin këtë profesion.

Lajmet Qëndrim Thaçi tregon para Edi Ramës: Si lindi ideja e prodhimit të supermakinës shqiptare që do të kushtojë 1.7 milionë € >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>