Protestë madhështore në Shkup, kërkohet drejtësi për Frosinën

Ka nisur protesta në Shkup, qindra qytetarë kanë nisur marshimin nga Salla Universale, respektivisht nga bulevardi “Aradhet Partizane”, nga ku do të vazhdojnë drejt Kuvendit, Prokurorisë Themelore Publike dhe në fund do të protestojnë edhe para Gjykatës Penale.

Ky marsh protestues vjen pas vdekjes së Frosina Kulakovës, 22-vjeçarja e cila u shtyp për vdekje nga një veturë në bulevardin “Aradhet Partizane”, ndërkaq shoferi i veturës ishte një 20-vjeçar që po drejtonte veturën me shpejtësi të lartë, pa patentë shoferi dhe nën ndikimin e alkoolit. /TV21