Pronari i marketit në Gjilan merr kërcënime pasi lajmëroi se nga sot e tutje nuk shet më produkte serbe

Pronari i një marketi në Gjilan ka vendosur që t’i ndalojë në lokalin e tij produktet që vijnë nga Serbia.

Ai ka deklaruar se nga sot, 1 janar 2023, në marketin e tij nuk do të mbajë më produkte me origjinë nga Serbia.

Këtë e konfirmoi vetë ai përmes një postimi në rrjetin social “Facebook”.

Sipas tij, ai nuk dëshiron të kontribuojë në rritjen e buxhetit të qeverisë “fashiste serbe”, ani pse – siç thotë ai – nuk ka asgjë kundër popullit serb, e sidomos kundër serbëve lokale, që jetojnë në Kosovë.

Megjithatë jo çdo gjë ka shkuar mirë për pronarin Alban Osmani, pasi ai ka shkruar se pas këtij veprimi, ka hasur në sabotazhe e kërcënime.

Kjo pasi, ky vendim duket t’i ketë penguar dikujt.

Më poshtë gjeni postimin e plotë të tij:

FALEMINDERIT!!!

Faleminderit qe mirekuptuat vendimin tim qe prej 01.01.2023, produktet qe prodhohen ne Serbi te mos i mbaje ne lokalin tim!

Ju falemderit per fjalet dhe urimet dhe mbeshtetjen e gjithesecilit qe dhate per vendimin tone.

Po e ritheksoj – Jam modest sa i perket hapsires (40 m² lokal market, po kjo s’do te thote te mos zgjerohemi hehe) Mirepo me modestine e t’berit biznes, kam fillu edhe une, sic thote populli – “Me qite ni pike uje ne deti”.

Thjesht, une nuk dua te kontriboje ne rritjen e buxhetit te qeverise fashiste serbe.

S’kam asgje kunder pupullit serb, e sidomos kunder serbeve lokale, qe jetojne ne Kosove – Vec me emer te Zoti, ma malle te prodhuar ne serbi, nuk do te mbaje ne lokal.

Sabotazhet dhe kercnimet kane filluar, ama mos te harrojne se NE si familje dhe une personalisht si Alban nuk i fikesohem askujt pervec ZOTIT. Nese Zoti ka thene qe une te punoj dhe funksionoje si biznes s’ka person a organizate qe me pengon.

MOS HARRONI, une jam idhtare i thenies se mocme shqipe “NJERIU MA I FORT SE GURI”

Mirupafshim n’momente vec t’mira…

BLEJ SHQIP

Ballina
RadioRahoveci
Video
Këmbimi
Moti
error: Ku po shkon !!