Petkoviq i reagon Osmanit: Po konfirmohet se vendimi i KQZ-së ishte politik
Drejtori i zyrës për Kosovë në Qeverinë e Serbisë, Petar Petkoviq, ka thënë se deklarata e presidentes së Kosovës, Vjosa Osmani, “konfirmon” se vendimi për moscertifikimin e Listës Serbe nga Komisioni Qendror i Zgjedhjeve ishte “politik”.
Osmani tutje ka thënë se Lista Serbe është organizatë që në radhët e veta ka individë që kanë kryer akte terroriste, akte agresioni dhe kanë cenuar rendin kushtetues të Republikës së Kosovës.
Për këtë deklaratë, Petkoviq tha se Osmani e Kurti ”nuk njohin as demokraci dhe as sundim të ligjit”.
“Kjo deklaratë e turpshme e konfirmon se vendimi i KQZ-së ka qenë politik dhe se është marrë me urdhër të Kurtit. Vjosa e Kurti nuk njohin as demokraci dhe as sundim të ligjit. Prishtina me këtë qëndrim tregon se Lista Serbe dhe uniteti i serbëve është gjemb në këmbë. Kjo është arsyeja pse LS duhet të fitojë!” – ka shkruar Petkoviq në platformën “X”.
