PD: Gjysma e qeverisë së Ramës është sot në dyert e SPAK

Ditën e sotme, zëdhënësja e Partisë Demokratike, Mirela Karabina, në një deklaratë nga selia e PD-së, foli rreth aksionit të SPAK, në lidhje me çështjen e firmës “5D”.

Ajo u tha se gjysma e qeverisë së Edi Ramës është në dyert e drejtësisë e prapa hekurave për shkak të korrupsionit të lartë.

Karabina shtoi se Erion Veliaj, përmes mashtrimit e paraqet si kryeqytetin europian të kulturës dhe sportit, ku sipas saj, e vërteta është ndryshe,

Deklarata

Sot gjysma e qeverisë së Edi Ramës është në dyert e drejtësisë e prapa hekurave për shkak të korrupsionit të lartë.

Dhe ky model qeverisës i vjedhjes dhe korrupsionit sistemik është shpërndarë dhe në nivelin e qeverisjes vendore.

Me urdhër -arreste të SPAK të disa ditëve më parë, drejtorë dhe ish zyrtarë të Bashkisë Tiranë janë para drejtësisë dhe prapa hekurave.

Korrupsion i lartë në Bashkinë Tiranë, duke filluar nga koncesionet, tenderat e deri tek pasuritë publike e pronat e qytetarëve kanë një kryetar që i drejton, ai është Erion Veliaj.

Qytetarët e Tiranës e shikojnë me sy dhe e ndjejnë çdo ditë korrupsionin e Bashkisë Tiranë : miliona metra katror ndërtim të miratuar nga Bashkia Tiranë janë dhënë kryesisht në siperfaqe të gjelbërta të qytetit, në hapesira publike, në sheshe lojrash për femije, në parqe dhe fusha sportive. Mijëra kate betoni të ngritura në një qytet të renditur të fundit në Europë për nga cilesia e ajrit, duke shkaktuar në mënyre direkte sëmundje kronike në popullatën e kryeqytetit.

Tirana sot që Erion Veliaj përmes mashtrimit e paraqet si kryeqytetin europian të kulturës dhe sportit, në fakt është një kryeqytet në vdekje klinike në sport dhe në kulturë: Stadiumi Olimpik Historik Kombëtar “Qemal Stafa” i shembur, Teatri Kombëtar i shembur, Muzeu i Shkenave të Natyrës i shembur, Galeria e Arteve e mbyllur, Muzeu Kombëtar i mbyllur, Biblioteka Kombëtare e mbyllur, Teatri i kukullave i mbyllur, Cirku i mbyllur, fusha sportive e kinema të zhdukura dhe objekte të tjera në shënjestër për shembje.

Dhe e gjithë kjo panoramë mbylljesh e shembjes ndodh nga babëzia e madhe për të vjedhur dhe plaçkitur pasuritë publike dhe pronat e qyetarëve nga drejtorë dhe zyrtarë të Bashkisë me drejtues Erion Veliajn.

Partia Demokratike në mbështetje pa asnjë rezerevë të SPAK, inkurajon hetimet e thelluara pa kursyer askënd në Bashkinë Tiranë për të vënë para drejtësisë vjedhësit e pasurive publike dhe pronave të qytetarëve.

Partia Demokratike kërkon publikisht dorëheqjen e Erion Veliajt me qëllim që t’i hapë rrugë hetimeve të thelluara të SPAK ndaj këtij Institucioni.

Lajmet PD: Gjysma e qeverisë së Ramës është sot në dyert e SPAK >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>