Osmani kërkon mbështetjen e Turqisë në njohjen ndërkombëtare të Kosovës

Presidentja e Republikës së Kosovës, Vjosa Osmani, ka pritur sot në takim ambasadorin e Republikës së Turqisë në Kosovë, Sabri Tunç Angılı, me të cilin diskutuan për zhvillimet e fundit në Kosovë si dhe për raportet bilaterale Kosovë-Turqi.

Sipas njoftimit të Presidencës, të dy palët kanë diskutuar për bashkëpunimin bilateral mes të dyja vendeve, si dhe për edicionin e sivjetmë të Forumit ndërkombëtar për gratë, paqen dhe sigurinë.

“Presidentja Osmani tha se Turqia mbetet një partnere e Kosovës dhe mbështetëse e vazhdueshme. Në këtë kontekst, Presidentja potencoi përkushtimin e Kosovës në rrugëtimin euroatlantik, duke theksuar domosdoshmërinë e anëtarësimit të Kosovës në organizata ndërkombëtare dhe njohjes ndërkombëtare të saj, me ç’rast kërkoi mbështetjen e vazhduar të Turqisë”, thuhet në komunikatë, raporton teve1.

Në takim me ambasadorin Angılı, Osmani ka theksuar edhe përkushtimin e Kosovës për thellimin e raporteve bilaterale dhe intensifikimit e bashkëpunimit ekonomik, si dhe atë në politikën e jashtme me Turqinë.

Presidentja Osmani dhe ambasadori Angılı diskutuan edhe për çështje tjera të interesit të ndërsjellë.

Lajmet Osmani kërkon mbështetjen e Turqisë në njohjen ndërkombëtare të Kosovës >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>