Ndalimet e Speciales, të ligjshme apo jo?

Pas lirimit të Sami Lushtaku nga EULEX-i u pretendua nga avokati i tij se telefoni dhe ndalimi i tij u bë jashtëligjshëm.

Në ndërkohë, njohës të funksionimit të Gjykatës Speciale thonë se me rregullore të saj parashihet një veprim i tillë, por ata gjithashtu theksojnë mungesën e transparencës nga Zyra e Prokurorit të Specializuar.

Brenda zyrave të EULEX-it u mbajt për më shumë se një orë.

Bëhet fjalë për ish-gjeneralin e UCK-së, Sami Lushtaku i cili u ndalua mbrëmjen e së premtes, dhe u intervistua, derisa më pas edhe iu sekuestrua telefoni.

Për veprimin e fundit ndaj Lushtakut, avokati i tij tha se u bë në kundërshtim me ligjin.

Por, monitoruesi i punës së Speciales, avokati, Amer Alia po thotë se kjo është brenda kompetencave të gjykatës dhe se nuk është hera e parë që po ndodhë një gjë e tillë.

“Besoj që këto veprime janë në kuadër të rregullores së procedurës së provave, tani ne në detaje nuk jemi të informuar mbi arsyet e konfiskimit dhe besoj që avokati ka qenë i njoftuar sigurisht që me vendimin e Gjykatës në rast se është lëshuar, nëse ka qenë urdhër i drejtpërdrejt i Zyrës së Prokurorit të Specializuar”, tha Amer Alija, avokat, raporton Dukagjini.

Avokatja e akredituar nga Dhomat e Specializuara, Fehmije Gashi-Bytyqi po thotë se ekziston një procedurë për sekuestrimin e telefonit ndonëse vë theksin tek mostransparenca e ZPS-së për këtë rast.

“Lidhur me faktin që i është sekuestruar telefoni, sigurisht me urdhër të Prokurorit megjithatë është një procedurë që brenda 30 dite duhet Prokuroria t’i drejtohet Gjykatës që të vendoset sekuestrimi i përkohshëm dhe të paraqiten arsyet se për çka ka ndodhur, por në rastin e z. Lushtaku nuk jam në dijeni”, tha Fehmije Gashi – Bytyqi, avokate.

Kujtojmë që këtë javë, Zyra e Prokurorit të Specializuar i është rikthyer bastisjeve në Kosovë.

Të enjten cak ishte shtëpia e ish-komandantit të Zonës Operative të Drenicës, Sylejman Selimi, si i dyshuar për pengim të drejtësisë.

Për disa orë, zyrtarë të ZPS-së, të asistuar nga EULEX-i kanë kryer kontrolle në shtëpinë e Selimit.

Lajmet Ndalimet e Speciales, të ligjshme apo jo? >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>