NATO njofton për hapjen e korridoreve ajrore mes Kosovës dhe Shqipërisë

Linjat e reja ajrore civile u krijuan sot në të gjithë hapësirën ajrore shqiptare për të lehtësuar fluturimet drejt dhe nga aeroporti i Prishtinës.

Ky zhvillim i ri është rezultat i përpjekjeve të kryera nën një proces të udhëhequr nga NATO që synon normalizimin e trafikut të aviacionit civil në të gjithë Ballkanin Perëndimor, thuhet në njoftimin e NATO-s.

Sipas NATO-s, “linjat e reja do të ndikojnë pozitivisht në aviacionin civil dhe do të ofrojnë përfitime të konsiderueshme, duke përfshirë kohë më të shkurtra fluturimi, konsum më të ulët të karburantit dhe reduktim të ndotjes”.

“NATO ka mbështetur procesin e normalizimit të përdorimit të hapësirës ajrore mbi Kosovë që nga viti 1999, duke udhëhequr konsultimet e njohura si “Takimet e Normalizimit të Aviacionit Ballkanik”. Në këto takime marrin pjesë rregullisht përfaqësues të vendeve aleate, autoritetet e navigacionit ajror, autoritetet ushtarake kombëtare dhe organizatat ndërkombëtare përkatëse, duke përfshirë Organizatën Ndërkombëtare të Aviacionit Civil, Agjencinë Evropiane të Sigurisë së Aviacionit dhe EUROCONTROL, ndër të tjera”, thuhet tutje në njoftim.

“Në vitin 2014, hapësira e sipërme ajrore mbi Kosovë u rihap. Kjo u bë e mundur nga kontributet e ofruara nga Hungaria dhe roli i kryer nga Ofruesi i saj i Shërbimit të Navigimit Ajror (HUNGAROCONTROL), i cili mori përsipër përgjegjësinë për të kontrolluar fluturimet. Në vitet e fundit, përmes Takimeve Ballkanike për Normalizimin e Aviacionit, NATO lehtësoi zyrtarizimin e një Marrëveshje Kornizë ndërmjet KFOR-it dhe Islandës. Autoriteti i Sigurisë së Transportit të Islandës (ICETRA) tani po vepron si funksion i mbikëqyrjes së sigurisë në mbështetje të komandantit të KFOR-it, i cili ruan autoritetin parësor për përdorimin e hapësirës së poshtme ajrore mbi Kosovë, sipas Rezolutës 1244 të Këshillit të Sigurimit të Kombeve të Bashkuara të vitit 1999. ICETRA kryen shqyrtimin e të gjitha zgjidhjeve teknike që mundësojnë vendosjen e rrugëve të reja direkte, në hapësirën e poshtme ajrore, ndërmjet Prishtinës dhe qyteteve të tjera”, përfundon njoftimi.

Lajmet NATO njofton për hapjen e korridoreve ajrore mes Kosovës dhe Shqipërisë >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>