Majko kujton rolin e Simitis në luftën e Kosovës: Qeveria e tij ndërtoi tri kampe në Shqipëri për kosovarët e dëbuar

Ish-kryeministri i Shqipërisë, Panedeli Majko, ka shkruar për vdekjen e ish-kryeministrit grek Kostas Simitis, për të cilin tha se ka një rol të veçantë në miqësinë shqiptaro – greke.

Gjithashtu, Majko tha se Simitis “ka qenë në zyrën e kryeministrit të Greqisë gjatë kohës së Luftës së Kosovës dhe u bë protagonist i një politike të matur brenda vendit dhe ndihmues karshi shqiptarëve”.

Majko përmendi faktin se Qeveria e ish-kryeministrit grek ndërtoi tri kampe në Shqipëri për kosovarët e dëbuar në kohën e luftës.