Kryemadhi thotë se nuk është në dijeni se ndaj saj është caktuar masa “Detyrim paraqitje”

Deputetja e  Partisë së Lirisë, Monika Kryemadh ka reaguar pas arrestimit të ish bashëkshortit të saj, Ilir Metës si dhe pas raportimit se ndaj Kryemadhit është shqiptuar masa   “Detyrim paraqitje” .

Megjithatë ajo ka thënë se nuk është në dijeni për vendim gjykate për të.

“Të dashur gazetarë për të cilët kam shumë respekt dhe që sot po raportoni lajme të servirura nga propaganda e qeverisë për sulmet e radhës të drejtësisë ndaj opozitës shqiptare.

Unë ende nuk kam marrë dijeni mbi një vendim gjykate që do të vendoste masa sigurie mbi mua apo babain e fëmijëve të mi.

Sapo të njoftohem për këto vendime të drejtësisë do të përgjigjem me të gjitha hapat ligjore dhe publike. “, ka shkruar Kryemadhi në Facebook.

Më tej ajo ka thënë se siç e ka quajtur persekutimi nuk do ta ndalojë opozitën shqiptare.

“Persekutimi nga drejtësia si armë ndaj kundërshtarit politik, si dhe gjyqi publik që po na bëhet, nuk ndalon opozitën në betejat pa kompromis për të mbrojtur interesin publik.

Duke nisur nga Inceneratorët dhe deri tek çdo betejë tjetër të drejtë që po luftojmë për shqiptarët.”, ka përfunduar ajo./21Media