Krimet e luftës, FDH kërkon të specifikohen krimet e të dënuarve

Fondi për të Drejtën Humanitare ka kritika ndaj gjykatës pas dënimit për krime lufte me 13 vjet burgim të serbit Dushko Arshiq. Jo për vitet e dënimit, por për mos specifikimin konkret të krimeve të krimeve të kryera. Njohësit e legjislacionit në Kosovë kërkojnë që në raste të tilla të ndiqet praktika e tribunaleve ndërkombëtare.

13 vjet prapa grilave pritet t’i vuajë serbi Dushko Arsiq pasi një ditë më parë u shpall fajtor për krime lufte në Kosovë.

Aktgjykimi për të thekson se i njëjti ka marrë pjesë në dëbimin, plaçkitjen, djegien e pronës, keqtrajtimin dhe vrasjen e civilëve shqiptarë në komunën e Prishtinës.

Por pavarësisht se konsiderohet që është arritur një farë drejtësie në këtë rast, sërish Fondi për të Drejtën Humanitare ka pakënaqësi.

Ai nuk po pajtohet me faktin se gjykata nuk specifikon veprimet konkrete të të pandehurve, por ato i përgjithësohen në veprimet e një grupi.

Bekim Blakaj nga ky Fond thotë se Kosova duhet të ndjekë praktikën e tribunaleve ndërkombëtare dhe të shqiptohet dënimi për secilin krim veçmas.

Se kjo praktikë është problematike e thotë edhe avokati Ardian Bajraktari, teksa kërkon që aktgjykimet të përmbajnë detaje e specifika. Ai kërkon që edhe politika ndëshkimore për këto raste të rishikohet.

“Veprat penale të krimeve të luftës, janë komplekse, e në kontekstin tonë janë edhe më shumë të tilla, për faktin se ka kaluar kohë relativisht e gjatë, pastaj e kemi fuqinë tonë verior, i cili përveç se është strehë e kryerësve të këtyre veprave penale, nuk ka fare gatishmëri për bashkëpunim, me qellim që të vendoset drejtësia. Vlerësoj se politika ndëshkimore duhet rishikuar, ngase në bindjen time, për këtë kategori të veprave penale është  relativisht e ulët, në raport me peshën dhe pasojat e krimeve të kryera”, ka deklaruar avokati Ardian Bajraktari.

Arsiq është arrestuar në datën 8 dhjetor të vitit 2021 nga Policia e Kosovës kurse në datën 2 nëntor të vitit 2022 i është ngritur aktakuza. Që nga dita e arrestimit i pandehuri Arsiq ndodhet në paraburgim. /Dukagjini

Lajmet Krimet e luftës, FDH kërkon të specifikohen krimet e të dënuarve >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>