Kosova U18 ka shënuar fitore bindëse ndaj Kaledonisë së Re
Kosova U18 ka shënuar fitore bindëse ndaj Kaledonisë së Re në ndeshjen e fundit në Grupin B të IHF Trophy Intercontinental.
Me këtë fitore, Kombëtarja jonë siguroi vendin e parë në grup.
Kosova U18 fitoi me rezultat 36:15, në një ndeshje që nuk ishte e barabartë. Djemtë tanë, ashtu si pritej, kanë dominuar nga fillimi e deri në fund. Granit Kadiri ishte më efikasi me 14 gola.
Nesër në gjysmëfinale, Kombëtarja jonë luan me SHBA-në. Në gjysmëfinalen tjetër përballen Uzbekistani e Nigeria.
Ndeshjet zhvillohen në Pallatin e Rinisë dhe Sportit në Prishtinë.
