Kosova e mbyll me fitore rrugëtimin në Ligën e Kombeve

(Lajm i përditësuar)
Kosova e ka mbyllur me fitore rrugëtimin e saj në grupin 2 të Ligës C në Ligën e Kombeve. Dardanët kanë triumfuar ndaj Lituanisë me rezultat minimal 1-0, ndeshje kjo e zhvilluar në stadiumin “Fadil Vokrri” në Prishtinë.
Goli që ia siguroi tri pikë të plota Kosovës erdhi në minutën e pestë, derisa realizues ishte Muharrem Jashari.
Ka përfunduar pjesa e parë e ballafaqimit ndërmjet Kosovës dhe Lituanisë.
Dardanët kanë shkuar në pushimin 15 minutash me epërsi minimale 1-0.
Goool, Kosova ka dalur në epërsi
Muharrem Jashari ka shënuar gol të bukur për epërsinë 1:0 të Kosovës ndaj Lituanisë.
Jashari shënoi që në minutën e pestë të ndeshjes.
Formacionet zyrtare, Kosovë – Lituani
Kombëtarja e Kosovës sonte përballet me Lituaninë në “Fadil Vokrri” me fillim nga ora 20:45, në kuadër të Ligës së Kombeve.
Para takimit janë publikuar formacionet zyrtare, me dy përzgjedhësit që kanë vendosur 11-shet më të mira.