Kontrabandë me makina luksoze në RMV, 10 persona do të ndiqen penalisht, mes tyre 2 zyrtarë

10 persona do të ndiqen nga hetuesia me dyshimin se kanë kontrabanduar vetura luksoze në vend. Prokuroria Themelore e Shkupit do të ngrejë procedurë hetimore kundër grupit, të cilët kanë marrë pjesë në kontrabandë, falsifikim të dokumenteve si dhe fshehjes së mallrave që janë objekt i kontrabandës dhe mashtrimit doganor.

Dyshohet se makinat kanë qenë të vjedhura jashtë dhe këtu janë bërë manipulime për t’i shitur.

Ministri i brendshëm, Pançe Toshkovski, për rrjedhën e aksionit nga afër u njoftua nga zyrtarët policorë të Njësitit për intervenim të shpejtë në Gjorçe Petrov.

Njëri nga të dyshuarit është shtetas i Republikës së Greqisë dhe për të, duke pasur parasysh bashkëpunimin e krijuar më parë në mes të Prokurorisë Themelore Shkup dhe autoriteteve greke, ndjekja penale do të kalojë në Republikën e Greqisë. Bastisjet është kryer nga pjesëtarë të MPB. /TV21