Kontingjenti i FSK-së arrin sukses në ushtrimin më gjithëpërfshirës të Turqisë, “EFES 2024”

Ushtrimi ushtarak “EFES 2024”, i mbajtur në Izmir të Turqisë ka përfunduar dje. Për dy ditë të zhvillimit të këtij ushtrimi, në mesin 50 delegacioneve të shteteve që përcollën këtë ushtrim, ishte edhe Kosova, i përfaqësuar nga zëvendësministri i parë i MM-së, Shemsi Syla, komandanti i KFT-së, gjeneral brigade, Hysen Dreshaj, atasheu ushtarak në Turqi, kolonel Bekim Zejnullahu dhe delegacioni nga ministria e Mbrojtjes dhe FSK- ja.

Në ditën e dytë të përmbylljes së ushtrimit, u përcoll edhe nga kreu më i lartë i shtetit Turk, presidenti Recep Tayyip Erdogan dhe delegacioni i tij i lartë, ministri i Mbrojtjes, si dhe delegacione të larta nga të gjitha shtetet pjesëmarrëse.

Ky ushtrim konsiderohet si ushtrimi më i madh e më gjithëpërfshirës, nga toka, ajri e deti, i zhvilluar në kohë nate e dite, me pjesëmarrjen e 45 shtete të botës, me mbi 12 mijë trupa dhe në përdorimin e armatimit më modern e më të sofistikuar të teknologjisë më të re të industrisë së mbrojtjes së Turqisë.

Në këtë ushtrim, kontingjenti i FSK-së u paraqit me përgatitje të larta profesionale, ku gjatë realizimit pjesëmarrësit vepruan si pjesë e një Task Force të Përbashkët të Kombinuar (CJTF), ku objektivi kryesor i ushtrimit ishte shkëmbimi i eksperiencës ushtarake, përmirësimi i ndërveprimit dhe mirëkuptimit midis vendeve partnere dhe agjencive që janë pjesë  e ushtrimit.

Ushtarakët tanë arritën të realizojnë me sukses objektivat në të cilat parashihen operacionet më të ndërlikuara me forcat ajrore, në bashkëveprim me forcat komando turke.

Gjatë dy ditëve të ushtrimit, delegacioni i Kosovës pati rastin të takohej me personalitete të shumta të shtetit turk e të vendeve të tjera.

Në këtë vizitë zyrtare, delegacioni i udhëhequr nga zëvendësministri Syla, vizitoi edhe panairin ku u bë ekspozimi i arritjeve më të larta të teknologjisë së armatimit të kompanive turke, që janë bazë e industrisë së mbrojtjes.

Me këtë rast, Syla u takua me presidentin e Agjencisë së Industrisë së Mbrojtjes së Turqisë, Haluk Gorgun, drejtori kompanisë Baykar, Haluk Bayraktar dhe përfaqësues të kompanive të industrisë së mbrojtjes që ishin në ekspozitën e industrisë së Mbrojtjes ne kampin ku u zhvillua ushtrimi.

Lajmet Kontingjenti i FSK-së arrin sukses në ushtrimin më gjithëpërfshirës të Turqisë, “EFES 2024” >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>