Koalicioni AAK-Nisma publikon listën e kandidatëve për deputet
Lista e Koalicionit AAK – Nisma Socialdemokrate – Konservatorët – E30 dhe Ideal, kanë dorëzuar listën e kandidatëve për deputet në garën e 9 shkurtit.
Në njoftimin në Facebook thuhet se koalicioni ka për kandidatë njerëz të devotshëm, gra dhe burra të dëshmuar, jo vetëm në përcaktimin e tyre për shtet e familje por edhe me përgatitje të admirueshme profesionale, si oferta më e mirë për Kosovën.
Me politikanë me përvojë, pjesëtarë nga shoqëria civile, njerëz të dëshmuar në udhëheqje e në sektorë jetikë për vendin, janë garancia më e fortë e përfaqësimit të zërit të qytetarit në Kuvendin e Kosovës.
Të fokusuar në cilësinë e një përfaqësimi sa më dinjitoz, gjinor, rajonal e sektorial, Lista e Koalicionit të udhëhequr nga kandidati për Kryeministër dhe bartës i listës, Ramush Haradinaj, është Listë për Kosovën Fituese.
